•  
  •  

Unsere Erlebnisse

Zwei bis drei Mal pro Monat unternehmen wir zusammen etwas. Das Teilnehmen an unseren Anlässen ist freiwillig und eine Voranmeldung ist meistens nicht nötig. Unter Landjügelern ist der Spass garantiert!


Landjugi-Jahr 2022

Skiferie Arosa
​​​​​​​
Vom 27.12.22 bis am 02.01.23 simer das Jahr mit sage und schreibe 54 Lüt uf Arosa i üsi legendärä Schiiferiä. Ob 300 oder nume 30 Pistäkilometer, mir heis aui zämä super gha u hei ungerem Thema Schiiferiä widr ä witerä ihtrag im Gedächtnis für z bhautä :)
image-11665883-Hockes-16790.w640.png

Landjugi Wiehnachtä
​​​​​​​
Ä angeri Tradion bi üs ir Landjugi isch di jährlächi Landjugi Wiehnacht. I däm Jahr heimer zum Dömu id Süri dörfä gah Fondue ässä u ä gmüetlächä Abä verbringä. Es isch wi au Jahr sehr fein u guet gsi mir heis luschtig gha.
image-11665883-Hockes-16790.w640.png
Kartfahren

10 sportlächi Landjügeler si am 03. Dezämber uf Lyss id Karthauä um säch dert ä Kampf umä erscht Platz z lieferä. 
image-11665940-20220212_215124-c9f0f.w640.jpg
Volley Turnier
​​​​​​​
Ä Tag nach dr Vougasparty, am 13. November isch z jährlächä Volley Turnier vor Ljg Worbenthal ahgstangä. Obwou dr Abä vorhär rächt grob isch gsi, simer mit sagähaftä 3 Teams dert ahgrückt für das Turnier z spilä. Z eintä Team hets sogar bis i Finau gschafft, leidr dert aber när verlorä.
Vougasparty

Am 12. November simer aui zämä uf Kirchdorf ad Vougasparty vo dä Chiubigigle. Z Interässä isch gross gsi u so heimer di Ahreis i Ahgriff gno. Z Motto a däm Abä isch Bad Taste gsi, was di luschtigä Outfits uf em Foto erklärt ;)
image-11665940-20220212_215124-c9f0f.w640.jpg
Ungerhautigsabä Trachtägruppe Gasel
​​​​​​​
Mir si das Jahr vor Trachtägruppe Gasu ahgfragt wordä, für d Bedienig im Saubou Gasu z übernäh. Am 29. & 30. Oktober u am 04. & 05. November heimer auso mit üsnä freiwilligä Häufer dörfä gah servierä, es isch ä sehr coolä Abä gsi u machämr sichr gärn widr bi erneuter Ahfrag. Nach dr Uffüehrig hei d Gescht ono chönnä es Absackerli bi üs id Ljg Bar cho näh, womer hei dörfä ufsteuä.
image-11665883-Hockes-16790.w640.png
Oktoberfest Süri


Die Mutter aller Partys isch widr vor dr Tür gstangä u so simer miterä sehr grossä Gruppä richtig Süri ads Oktoberfescht gfahrä. Nach emnä feinä Znacht ir Gaudihauä mit live Musig isch dä super Abä de abr gliich oh rächt schnäu vrbi gsi. Ds isch ä Ahlass womä uf ke Fau wott vrpassä ;)
image-11665940-20220212_215124-c9f0f.w640.jpg
Bowling Rubigen
​​​​​​​
Oh fasch scho zum Inventar ghört dr jährläch Bowling Abä womer jewils in Rubigä verbringä u wo immer guet bsuecht isch vo üsnä Mitglieder. Es isch jewils sehr luschtig u mä cha guet zämä redä wemä nid grad am spielä isch.
image-11665883-Hockes-16790.w640.png
Fuchsfescht mit Fondue

Fuchsfescht zum zwöitä! Da ds Fuchsfescht letscht Jahr so guet isch gsi, heimer unbedingt wieder müessä gah. Bevor mir si ga feschtä heimer no es sehr feins Fondue gnossä, es isch ä sehr ungerhautsamä u luschtigä Abä gsi wo viu glachet isch wordä.
image-11665940-20220212_215124-c9f0f.w640.jpg
Geischter Maislabyrinth

​​​​​​​Mir si ahgfragt wordä für das Jahr im Geischter Maislabyrinth in Loupä gah dörfä d Geischter i däm Labyrinth z spilä. Wär nid aus Geischt het wöuä cho, isch dür Labyrinth gloffä u hetsäch vo üsnä Geischter lah erschreckä, di verchleidigä gseh scho gruselig us!
image-11665883-Hockes-16790.w640.png
Schwingä

Da dises Jahr ja z Eidgenössischä Schwingfescht isch gsi heimer dänkt es passt nid schlächt mau säubr ga z luegä wi ds so tuet. Mir hei üs vo dä Schwinger unger üs lah zeigä uf was dasmä mues achtä u hei säubr paar Schwüng im Sagmäu probiert. Isch gar nid so eifach wimä dänkt...
image-11665940-20220212_215124-c9f0f.w640.jpg
Huebfescht

​​​​​​​Da z Huebfescht au Jahr es super Fescht isch, simer natürläch oh das Jahr widr gangä u hei d Huebbandä chli ungerstützt. Es isch ä super Chiubi gis u sichr bis nächst Jahr widr ;)
image-11665883-Hockes-16790.w640.png
Public Viewing Schwingfescht

Für die Schwingbegeischteretä heimer das Jahr es Public Viewing für ds Eidgenössischä Schwingfescht in Pratteln gmacht, da dr Wäg vo Bärn uf Basu doch rächt wit isch us isch schwirig gsi ah Billiets z cho.
image-11665940-20220212_215124-c9f0f.w640.jpg
Konzert Oeschs die Dritten

​​​​​​​Da mir gwüsst hhei, das i däm Jahr sehr viu vor Landjugi ads Gampu göh, heimer mau ä spezieuä Ahlass gmacht u si zämä ga z Konzärt vo Oeschs die Dritten gah luegä ah däm Sunntig. Oh we di ahwäsendi Landjugi Fraktion schlussamänd sehr chli isch gsi hets mega gfägt u mir hei ds Gampu no chli lah usklingä.
image-11665883-Hockes-16790.w640.png
Hostettfest Afterparty

Für Räschtä uh schüsch ahgfangnägi Fläschä vom Hostettfescht z verrumä, heimer das Jahr imnä chlinä wäudli bi üs ir Umgäbig ä Afterparty gmacht u bei gemütlichem Beisammensein dä Abä ih Ahgriff gno.
image-11665940-20220212_215124-c9f0f.w640.jpg
Aaräböötlä

​​​​​​​Wi au Jahr, isch am 01. Ougschtä widr üses traditionellä Aaräböötlä mit dr Landjugi Frienisbärg ufem Programm gstangä. Nach emnä entspanntä Tag uf dr Aarä, heimer am Abä när no mit üserä Nachbars Landjugi bi üs im Hostettfescht Zäut gfiiret us üs lah guet gah.
image-11665883-Hockes-16790.w640.png
Giron Corcelles

Grad dr nächst Ahlass isch scho umä im Wäutschä gsi. U zwar simer mit erä zimläch grossä Gruppä richtig Vevey gfahrä für dert ads Giron. Ds si di Feschtli wo di Wäutschä Landjugis organisierä, was diä dert ufd Bei steuä isch ungloubläch. Äs isch ä riesä Party gsi u mir heis au zämä luschtig gha, sehr empfählenswärt dert mau vrbi z luegä ;)
image-11665940-20220212_215124-c9f0f.w640.jpg
Brätlä z Delay

​​​​​​​Am 26. Juni heimer zum Simu ids Wäutschä dörfä si Lehrbetrieb gah luegä. Nach dr Besichtigung hets no ä Abchüelig im nöch glägenä See gäh u mäh het no dr Grill ahgworfä u öbis guets grilliert. Es isch ä fägigä Tag gsi bi üsnä französischsprachigä Nachbarä.
image-11665883-Hockes-16790.w640.png
Leiterwägeli Tour

Es isch umä so wit gsi, üsi legendäri Leiterwägelitour isch widr ufem Programm gstange. Dises Jahr isch üses Ziu d Baumbärgchiubi ufem Baumbärg gsi. Gstartet hetmä ufem Viehschouplatz z Mittuhüserä. Da d Distanz weniger wit aus angeri Jahr isch gsi, hetmä ungerwägs verschiedni Stops ihgleit u isch unger angerem ohni hurti ga badä bevor mä de doch gägä abä no isch am Fescht ahcho.
image-11665940-20220212_215124-c9f0f.w640.jpg
Platzgä

​​​​​​​Am 03. Juni heimer widr mau öbis nöis usprobiert. Mir hei zum Boumi uf Bärn dörfä dr Platzgersport nöcher gah kennä lehrä. Z Interässä odr viläch oh numä d Neugier isch gross gsi u so simer miterä zimläch grossä Gruppä dert ihtroffä. Nachem turnierli womer verahstautet hei isch ä gmüetlächä u luschtigä abä gfougt.
image-11665883-Hockes-16790.w640.png
Maibummu

A däm schönä Maisunntig, heimer üsä jährläch Maibummu i ahgriff gno. Dises Jahr simer ah Schwarzsee u dert ufä Bärg ufä gloffä. Obwou mir ds mau numä z 6. si ungerwägs gsi hets gfägt u mir si nacherä Sterchig im Restaurant ufem Spitz mit dä Trottis richtig Tau gfreset.
image-11665940-20220212_215124-c9f0f.w640.jpg
Glace ässä im Höck z Lyss

​​​​​​​Am Donnschti 12. Mai simer z Lyss i Höck u hei üs dür z Glace Sortimänt probiert. Si hei dert eini vo dä viufäutigschtä Glacechartä vor Schwiz, es isch sehr fein gsi u dä Ahlass ghört mittlerwilä oscho fasch zum Inventar.
image-11665883-Hockes-16790.w640.png
Bea

Am 07. Mai isch ds Jahr üsä Traditionell Usflug ad Bea ahgstangä. Mir si auso scho Nami mit Zug u speter Trämli richtig Bärn u när witers aufz Bea Gländ im Wankdorf. Vor Ort heisäch när je nach Interässä paar Grüppeli biudet wo si gah luegä wases aues z gseh git ar Bea. Spetischtens am abä hetmä säch aber de widr im Fäudschlössli Zäut troffä, es isch ä sehr coolä Ahlass gsi :) 
image-11665940-20220212_215124-c9f0f.w640.jpg
Ostereier tütschä

​​​​​​​Um d Oschterzit umä hei mir das Jahr dänkt, mir chönt doch Oschterä oh mau zämä fiirä u es paar Oschtereier vernichtä. Mir hei drfür am Simu sini Bar dörfä bruuchä u es si schlussamänd doch veiä chli viu Mitglieder ahwäsend gsi.
image-11665883-Hockes-16790.w640.png
Oschtermäntiger

I däm Jahr heimer 3 Teams fürä Oschtermäntiger chönnä ufd Bei steuä. Ds isch ä Wettbewärb wo vor Ljg Oenztal jährläch organisiert wird u es geit drum, i dä verschiedenä, mängisch rächt spezieuä, Disziplinä müglächst gueti Punktzahlä abzgarnierä für nä besseri Platzierig ir Ranglischtä. 
image-11665940-20220212_215124-c9f0f.w640.jpg
Theaterzyt im März

Ändläch isch am 11. & 12. März im Saalbou z Gasu u am 19. März z Kehrsatz widr üses jährlächä Theater vor dr Tür gstangä. Üsi Theater Lüt hei scho Monatä im Vorrus mitem üebä ahgfanä u dämentsprächend ufwändig isch sones Theater jewils. Üsi lüt hei aber ä super leischtig uf di Bühni bracht u es si 3 sehr luschtigi Abä gsi wo viu glachet u gredt isch wordä.
image-11665886-Skiferien-c51ce.w640.png

Theater vor Ljg Frienisberg

​​​​​​​Wou d Frienisbärger jewils immer super Theater uffüehrä, simer am 25. Februar zu ihnä ihres Theater ga luegä. Mit ca 25 Personä simer sehr zahlrich verträtä gsi u es isch es super Theater u Abä gsi.
image-11665883-Hockes-16790.w640.png
Regio Schiirennä

Wi au Jahr, isch oh das Jahr widr ds Regio Schiirenna verahstautet wordä. Dert trättä Mitglieder us dä verschiedenä Ljg gägä nang ah u luegä wär am schneuschtä dr Bärg abä chunt.
image-11665940-20220212_215124-c9f0f.w640.jpg
Hockeymatch gäg d Frienisbärger

​​​​​​​Am 23. Jäner heimer z Landjugi Jahr 2022 mit emnä Hockey-Fründschaftmätschli gägä d Landjugi Frienisbärg uf dr Schwarzwasserbrügg eröffnet. Obwou mr veiä chli nä Fanclub hei gha u z Spiu würkläch guet isch gsi vo beidnä Sitä, heimer mit 8:5 verlorä. Isch aber trotzdäm ä super Ahlass gsi u het gfägt!
image-11665883-Hockes-16790.w640.png
Nachtschlittlä

Wi oscho angeri Jahr, simer oh i däm Jahr widr iz Kientau gah Nachtschlittlä. Nacherä erstä Abfahrt simer obä id Beiz ga Fondue ässä. Isch ä sehr luschtigä u ungerhautsamä Ahlass gsi u oh hie si nachem Fondue (u viläch gli Wiiswii ;)) aui gsung dungä ahcho :)
image-11665940-20220212_215124-c9f0f.w640.jpg
Landjugi-Jahr 2021


Landjugi Schiiferiä

Wi jedes Jahr simer oh im 2021i vom 27. Dezämber bis am 02. Jäner ufbrochä für i üsi legendäre Schiiferiä. Dises Jahr isches ab nach Arosa gangä u es isch wi geng super luschtig gsi u mir hei ä super zit gha! Ds Wätter het mau meh, mau weniger mitgspiut u so isch de z Motto "Wein auf Bier das lob ich mir
" u "Bier auf Wein, das geht auch rein" teuwiis meh zum Zug cho aus z schiilä. Trotzdäm si zum Glück aui 36 Mitglieder mit ganzä Bei umä zrügg cho :)
image-11665886-Skiferien-c51ce.w640.png

Landjugi Wiehnachtä

Am 18. Dezämber heimer üsi aujährlächi Landjugi Wiehnacht gfiiret. Gemütliches Beisammensitzen im Bumishuus mit vorgängigem Fondue.
image-11665841-Weihnacht-c51ce.w640.png

Vougasparty

Vou nachem Motto "Back to the 80'" simer am 13. Novämber miterä riesä tschuppeletä ad Vougas Party in Chirchdorf. Ganzi 49 Personä hei säch für die geng widr super Party lah begeisterä.
image-11665817-Vougasparty-9bf31.w640.png
Volleyball-Turnier

Für am Tag drufabä, am 14. Novämber heimer es paar Lüt zämägsuecht um es Volleybau Team für z Turnier vor Landjugi Worbenthal chönnä z steuä. So richtig fit simer nid gsi u dämentsprächend isch oh vor Platzierig nid viu drin glägä. D Sieger vom Vorabä simer aber aui mau gsi ;)
image-11665829-Volley-aab32.w640.png
Paintball

Am 20. Oktober heimer üs troffä um in Mamishuss zämä ga Paintball z spilä.

8 wagemuetigi Mitglieder hei säch i di Hauä inä trout.
Fuchsfest

​​​​​​​Äbafaus 8 Personä simer gsi, womer hür z erscht mau ads Fuchsfescht gangä si. Mit vorusgehendem Fondue Spass heimer dä Abä i Ahgriff gno, isch es sehr glugnigs fescht gsi! Nächst Jahr löh säch sicher meh lüt drfür lah begeisterä!
Grümputurnier

Dises Jahr hei mir z Scherli ufem Schuttifäud z erschtä mau es Grümputurnier verahstautet. Zämä mit dä Frienisbärger heimer ä super tag gha u zum Glück dr Titu bi üs chönnö bhautä ;)

So het am Ändi vom Tag d Ranglischtä usgseh:
1. Muttästüpfer
2. Oh Namelos Grandios
3. Gerümpelgagis
4. Homos
5. FC i wott es Ching vo dir
6. Die Vollidioten​​​​​​​
image-11665772-Grümputurnier-c20ad.w640.png
Sport i dr Turnhauä Oberbaum

Vom 14.10.21 bis am 03.03.22 hei säch di sportlechä unger üs jedä Donnsti Abä z Baum ir Turnhauä troffä ums zämä luschtig ha u üs chli z bewegä i dä chautä, nid so produktivä Wintermonet ;)
image-11665778-Sport-e4da3.w640.png
Chiubi im Bindehus

Am 21. Augschtä heimer hür äs Landjugi interns Fescht ufd Bei gsteut, so chli aus Ersatz für ds Hostettfescht womer leider no nid hei chönnä düräfüehrä.

Denn isch ume mau öbis gangä im Bindehus. Dr Schopf hei mir usegrumt, d Bar gsteut uh d`Musig-uh d`Soundalag montiert. Hie afe nomau merci viu mau Dömi, dass mir dini Usrüschtig hei chöne bruche. Isch zimlech abgange wie mir de später no wärde ghöre. 
Am achti isch di Party losgangä. Es hei veiechli viu Landjügeler dr Wäg i ds Bindehus gfungä uh isch herrlich gsi di Gringe aui ume mau z`gseh nachdäm ir letschte nid grad dr huufe gangä isch. 
Mir hei nid ganz gwüsst wo häre mit de Chärre, wüu hingerem Schopf ufem Biz ersch no grad d`Chüeh gweidet gha hei. Nach längerem wärweise uh dr Tatsach das mir kenni besseri Lösig hei, hei mir du doch dert iparkiert, mitem Risiko das öper ä Plütter verwütscht… Sorry für die wos preicht het. 
Nach mim Idruck uh vo däm wo ig ha ghöre säge, isch ömu di Party ganz guet acho. Es isch Aukohou gflosse, gfeschtet uh tanzet wordä uh einigi hei sogar grad diräkt vo de Ferien no dr Wäg i ds Bindehus gfungä. D`Strouhüet uh Tank-Tops si no gsetzt gsi. 
Irgendeinisch ih dä früechä Morgästund hets de när oh ah däm Fescht einisch Fyrabä gäh.
image-11665748-BindeHuusCiubi-c9f0f.w640.png

Höck Lyss

Wi jedes Jahr simer oh im 2021i nach Lyss gfahrä um dertä userä riesigä Uswauh ah Glace üs d Büch z füuä. Äs isch ä gmüetlächä abä mit viunä guetä Gspräch gsi.
image-11665739-HöckLyss-6512b.w640.png
Hueb Fescht

Am 04.09 simer dises Jahr aui zämä ads Hueb Fescht. Es isch ä super Chiubi gsi umä mau u zum Glück simer früeh dert gsi, wou scho glii nach der Türöffnig si d Lüt nümme ihnä cho.
Maislabyrinth

Am 4. Augschtä heimer ä Usflug ids Maislabyrinth in Loupä ungernoh.

Fritig Abe – schöns wätter und e cooli truppe

Nachere Sterchig usem Restaurant vom Steihof sie mir parat vorem Ihgang gstange u hei dr Schritt iz Labyrint gwagt.
Mir si voller Elan gstartet u hei üs dür z Mais gwagt. Nach churzer zit hei mir gmerkt das z wieder use cho z einte isch, aber d Schiudli mit de Frage druffe söttme ja ono finge. U Ahja d Chüeh müesme de ono zeuä dasme zumne erfougriche Ergäbniss chunnt. So sie mir am afang hurti paar mau hin u här, das mir de o aues vo de Schiudli hei gwüsst u gha.

Glii mau heimer müesse merke das mir eventuell dä Infos uf de Soziale Mediä hättä söue vouge u dr Input mitem guete Schuehwärch e chli ärnschter hättä söue nä.
Wüu wie mir ja aui wüsse hets im letschde summer es paar mau grägnet u dür das hets dr eint oder anger see oder scho fasch fluss uf üsem Durchwäg zum Usgang gha. Maue e gump übernes Seeli, chli dür z Mais oder "momou das geit scho weni e toue schritt mache". Ä Nasse, Dräckige schueh heimer zum Glück kene usezoge, jedoch het da eine scho zimmli Glück gha!
Mänggisch heimeris ume chli verloore u drum isch d fröid aube ume umso grösser xii wemesech ume het gfunge.
Plötzlech ischs geng wie dunkler worde u äs isch no um die letzschte Schiudli gange.Mir si aui erstuunt xi wie lang das mir i däm Mais si ume girrt u umso glücklecher simer xii womer dusse mit üsem verdiente Bier hei chönne ahstosse.

Dr 2ti Teut isch auso o sehr gmüetlech xii u mä isch uf viu kennegi Gsichter gstosse.

1. August

Nid nume dr Corona het üs z Jahr schwär gmacht. NEI o z Hochwasser... Drum isch z Aareböötle iz Wasser gheit u mir hei ganz es tolls Alternativ-Programm mit viu Spiel & Spass bir Landjugend - Friensiberg Süd gha.
image-11385722-rRnQQf1Rz30eydFS75N73GK6YnxAdH_cfkAmlBBbDj-aazP1MemtF-ZpRoZqXzdA0v1p2ADE2DPfWtQEzNy35FyiWzUTiuiU-Y4aYmpMyQLV6tyThWZEi8rsHETuXW6pYUPOVynq5Vih1AYM-FBTpDi79UiCsl17N6mo6zzCjg6PEbSM41ENDBuJ61B5xVglqY8IvNDdCJEahTiz4q3vy-aab32.jpg
Chiubi im Hornusserhüsli z Gasu

Für nachem Lockdown z Vereinsläbä widr chli in Fahrt z bringä heimer am 3. Juli Landjugi Intern ä chlini Chiubi im Hornusserhüsli z Gasu verahstautet.
image-11665688-Hornusserhüsli-6512b.w640.png
Leiterwägelitour
ad POP-UP-BAR vor Landjugend Worblental

Amene schöne Samschti hei mir z Leiterwägeli packt & üs ufe Wäg richtig Emmental gmacht.
Mitem Ziu bir Landjugi Worblental ahzcho.
Äs isch e glungegi Wanderig gsi!

Äs isch ä Mix us Sunnä u Wuechä gsi womer üsi letschtjährigi Leiterwägeli Tour gstartet hei. Mir hei üses Leiterwägeli mit gnue Bier urä guetä Musigbox beladä u si ca z 20zigstä höch bim Tavel-Dänkmau in Rüegisbärg los tschöderlet. Üses diesjährige Ziu: D PopUp Bar vor Landjugi Worbätau in Vechigä. Vouer elan simer auso vom Tavel-Dänkmau us losgloffä, zersch mau isches bärgab gängä richtig Rümligä u när witers uf Choufdorf. Ungerwägs heimer immer widr chlini Päuseli ihgleit für di wit umä bekanntä Techäli-Rundinä vo vergangenä Leiterwägeli Tourä. Leider isch z Wätter zuenämends schlechter wordä, abr mir hei üs dr Tag vo däm nid lah vermiisä u si witr richtig Gäuterfingä gloffä. Dert het de scho dr eint oder anger afang mau mit dä Strassämarkierigspföschtä afah tanzä odr het gmeint är müesi iz uf Gwschindigkeits Täfeli ufägogerä u di erschtä hei müedi Bei becho. Eigentläch wär z Ziu gsi dr ganz Wäg nach Vechigä z loufä, da mr abr nid ganz so schnäu si vorwärts cho wimer erwartet hei us de gliich no ä touä Biz bis nach Vechigä isch gsi, heimer entschidä in Wichtrach ufz Zügli umzstigä u vo dertä bis Münsigä z fahrä. Mitem Leiterwägeli u dr immer no loufendä Musigbox simmer auso iz Zügli ihgstigä u losdüset. In Münsigä ahcho heimer när no dr Böss odr no es witers Bähnli, mini erinnerigä zu derä zit scho nüm ganz so presänt gsi, für uf Worb gno. Fürä letscht Biz uf Vechigä heimer när nomau üsi müedä Bei beasprucht u si gloffä. Churz bevors het afah rägnä simer när erschöpft abr mit super Erinnerigä ä di Leiterwägeli Tour bir PopUp Bar ahcho. Dr räscht vom Abä isch när leidr zimläch verrägnet gsi, aber nichts desto trotz heimer no guet gfiiret u heis üs lah guet gah. Aues i auem ä ganz glungnägä, luschtigä u erreignisriichä Usflug gsi!

image-11385704-5asZtL2obdudhnFEbCxCI3U9QoHSOWbQc0dfe888zDIg2LZj-qWl73s6AInLgqtKenVhNLf0ohdTGc1XKw7hCXXsPr1x2ktve09vQqN18a2a-OFVTeH2tZRSxHYsE4bRhTYM9YAin14jZF2_25gbBOg3DQcxsxxXAmCCCK1JSA3bI3LzcjA9Y84h_WEN_KRFLfINwS5uPCQ4BNFl53GZP-d3d94.jpg

Dises Jahr hei mir leider üses Jährleche Theater zum zwöite mau müesse absägä.
O üses Jährleche Hostettfest im Juli heimer müesse absägä, da die ganzi Situation für üse Verein mit auem drum & dra nid tragbar isch - wär xii.
Mir hoffe aui ganz fescht uf z Jahr 2022.

Landjugi-Jahr 2020


Hockey Match Längenberg gäge Frienisberg
Am 2. Februar isch e Gruppe vo sportleche Landjügeler uf dr Ischbahn ir Schwarzwasserbrügg gäge d Landjugi Frienisberg aträtte. Wär nid gspiut het, isch aus Fan derbi gsi.

image-10534631-20200202_220941-6512b.w640.jpg
Lockdown..... 

Wäge Corona müesse leider o mir üsi Vereinsaktivitäte isteue...
Ds Theater wird a Nagu ghänkt u ds witere Programm igsteut... 

Landjugi-Jahr 2019



Skiferien in Grindelwald
Vom 27. Dezämber bis am 2. Januar si mir i üsi aujährleche Schiiferie gange. Dieses Jahr hei mir Grinduwaud unsicher gmacht. 
image-10534760-IMG-20200102-WA0106-16790.jpg?1591285925871
​​​​​​​Herbstweekend Berlin
Ih Zug ihgstigä & ab nach Berlin i d`Grossstadt. 
Äs Abendtür wo üs no lang i Erinnerig blibt.
image-10534754-20191025_154246-c9f0f.w640.jpg

Aareböötle mit der Landjugendgruppe Frienisberg

Wie jedes Jahr verabredeten wir uns am 1. August mit den Landjügelern der Region Frienisberg zum Aareböötle mit anschliessendem Grillabend. 


image-10534589-IMG-20190802-WA0041-16790.w640.jpg
Santarun Bern
Zämä si mir dür d Autstadt pilgeret mitem Ziel Bierhübeli.
Nid grad die schneuschte, drfür die völl...töllsten.
image-10114772-Santa_Run-c51ce.jpg
Landi Neueröffnung
Bir nöi Eröffnig vor Landi Schwarzenburg hei mir dörfä d`Gest Bediänä.

image-10534772-IMG-20190516-WA0006-45c48.jpg?1591286696114
Volleyball Turnier
Z`Worb ir Turnhauä heimer ä sportlächä Namitag gah. Verschidäni Landjugi Gruppä si üsi Gägner gxi & nachem Spiu heimer no äs gmüätlächs zämmä si gah.
image-10534832-20191103_112052-16790.w640.jpg


Junibummel

Am Sonntag, 30.Juni wanderten wir zum Oeschinensee. Bei heissen Sommertemperaturen kam eine Abkühlung im Bergsee allen gelegen. Beim gemütlichen Bräteln konnten wir uns erholen, um dann gestärkt die Rodelbahn unsicher zu machen. Gut gelaunt gingen wir über Stock und Stein ins Tal zurück.
image-9793817-Junibummel_2019.2-45c48.w640.jpg


Nachtschlitteln

Wie bereits in den letzten Jahren, nahmen wir auch in diesem Winter an einem Samstagabend den Weg ins Kiental auf uns. Nach einer langsamen Sesselliftfahrt und einem feinen Fondue schlittelten wir ins Tal hinunter. Wir mussten feststellen, dass dies nach einem geselligen Abend mit müden Beinen und dem einen oder anderen Spassvogel unter uns gar nicht so einfach ist... Bei einem Schlummertrunk ums wärmende Feuer liessen wir den Abend ausklingen.

image-9794150-Schlitteln_2019-c9f0f.jpg

Leiterwägelitour

Anfangs Juni machten wir uns mit einem voll beladenen motorisierten Leiterwägeli auf den Weg ans mittelländische Schwingfest in Neuenegg.
image-9793850-Leitrewägelitour-6512b.jpg

Paintball spielen

An einem Donnerstagabend tobten sich einige in der Paintballhalle Mamishaus aus. Der eine oder andere blaue Fleck musste in Kauf genommen werden...

image-9794135-Paintball_2019-c9f0f.w640.jpg


Fasnacht

Im März haben wir Kleiderschränke durchwühlt, um in kreativ zusammengewürfelten Kostümen einen Abstecher an die Fasnacht nach Murten zu machen.

image-9794177-Fasnacht_Murten_März_2019-45c48.jpg